ਚਾਣਕਿਆ ਦੀ ਨੀਤੀ ਮੁਤਾਬਕ ਹਰ ਕਿਸੇ ਨਾਲ ਵੈਰ ਲੈਣਾ ਸਮਝਦਾਰੀ ਨਹੀਂ ਹੁੰਦੀ। ਕੁਝ ਲੋਕਾਂ ਨਾਲ ਦੁਸ਼ਮਨੀ ਮੋਲ ਲੈਣਾ ਆਪਣੇ ਲਈ ਮੁਸੀਬਤ ਨੂੰ ਸੱਦਾ ਦੇਣ ਦੇ ਬਰਾਬਰ ਹੈ। ਆਓ ਜਾਣੀਏ ਉਹ ਸੱਤ ਕਿਸਮ ਦੇ ਲੋਕ ਜਿਨ੍ਹਾਂ ਨਾਲ ਕਦੇ ਪੰਗਾ ਨਹੀਂ ਲੈਣਾ ਚਾਹੀਦਾ।
ਤਾਕਤ, ਧਨ ਅਤੇ ਅਹੁਦੇ ਵਾਲਾ ਵਿਅਕਤੀ
ਜਿਸ ਕੋਲ ਪੈਸਾ, ਪਦ ਅਤੇ ਪ੍ਰਭਾਵ ਹੋਵੇ, ਉਸ ਨਾਲ ਟਕਰਾਉਣਾ ਭਾਰੀ ਪੈ ਸਕਦਾ ਹੈ। ਐਸੇ ਲੋਕ ਆਪਣੀ ਤਾਕਤ ਨਾਲ ਹਾਲਾਤ ਆਪਣੇ ਹੱਕ ਵਿੱਚ ਮੋੜ ਸਕਦੇ ਹਨ। ਜੇ ਕੋਈ ਮਸਲਾ ਹੋਵੇ ਤਾਂ ਅਹੰਕਾਰ ਨਹੀਂ, ਅਕਲ ਨਾਲ ਕੰਮ ਲਓ।
ਤੁਹਾਡਾ ਖਾਣਾ ਬਣਾਉਣ ਵਾਲਾ ਵਿਅਕਤੀ
ਜੋ ਤੁਹਾਡਾ ਭੋਜਨ ਤਿਆਰ ਕਰਦਾ ਹੈ, ਉਹ ਸਿੱਧੇ ਤੌਰ ‘ਤੇ ਤੁਹਾਡੀ ਸਿਹਤ ਨਾਲ ਜੁੜਿਆ ਹੁੰਦਾ ਹੈ। ਪੁਰਾਣੇ ਸਮਿਆਂ ਵਿੱਚ ਰਾਜਿਆਂ ਤੋਂ ਲੈ ਕੇ ਆਮ ਲੋਕਾਂ ਤੱਕ ਰਸੋਈਏ ਦੀ ਵੱਡੀ ਅਹਿਮੀਅਤ ਸੀ। ਉਸ ਨਾਲ ਵੈਰ ਰੱਖਣਾ ਆਪਣੇ ਲਈ ਖਤਰਾ ਬਣ ਸਕਦਾ ਹੈ। ਇਸ ਲਈ ਉਸ ਨਾਲ ਚੰਗਾ ਵਿਵਹਾਰ ਰੱਖੋ।
ਡਾਕਟਰ
ਜੋ ਤੁਹਾਡੀ ਜ਼ਿੰਦਗੀ ਦੀ ਦੇਖਭਾਲ ਕਰਦਾ ਹੈ, ਉਸ ਨਾਲ ਟਕਰਾਉਣਾ ਬਹੁਤ ਜੋਖ਼ਿਮ ਵਾਲੀ ਗੱਲ ਹੈ। ਡਾਕਟਰ ‘ਤੇ ਭਰੋਸਾ ਅਤੇ ਸਤਿਕਾਰ ਲਾਜ਼ਮੀ ਹੈ। ਜੇ ਕੋਈ ਗੱਲ ਹੋਵੇ ਤਾਂ ਤੁਰੰਤ ਸਪਸ਼ਟ ਕਰੋ, ਕਿਉਂਕਿ ਡਾਕਟਰ ਨਾਲ ਵਿਵਾਦ ਕਦੇ ਫਾਇਦੇਮੰਦ ਨਹੀਂ ਹੁੰਦਾ।
ਰਾਜ ਜਾਣਨ ਵਾਲਾ ਦੋਸਤ
ਜੋ ਦੋਸਤ ਤੁਹਾਡੇ ਸਾਰੇ ਰਾਜ ਜਾਣਦਾ ਹੋਵੇ, ਉਸ ਨਾਲ ਦੁਸ਼ਮਨੀ ਵੱਡਾ ਨੁਕਸਾਨ ਕਰ ਸਕਦੀ ਹੈ। ਉਦਾਹਰਨ ਵਜੋਂ ਵਭੀਸ਼ਨ ਨੇ ਲੰਕਾ ਦੇ ਰਾਜ ਖੋਲ੍ਹ ਦਿੱਤੇ ਸਨ। ਜੇ ਰਾਜ ਜਾਣਨ ਵਾਲਾ ਵਿਅਕਤੀ ਵਿਰੋਧੀ ਬਣ ਜਾਵੇ, ਤਾਂ ਉਹ ਭਾਰੀ ਨੁਕਸਾਨ ਪਹੁੰਚਾ ਸਕਦਾ ਹੈ।
ਅਮੀਰ ਵਿਅਕਤੀ
ਬਹੁਤ ਧਨਵਾਨ ਵਿਅਕਤੀ ਆਪਣੇ ਪੈਸੇ ਅਤੇ ਸਰੋਤਾਂ ਨਾਲ ਹਾਲਾਤ ਆਪਣੇ ਹੱਕ ਵਿੱਚ ਕਰ ਸਕਦਾ ਹੈ। ਇਸ ਲਈ ਅਮੀਰ ਲੋਕਾਂ ਨਾਲ ਬਿਨਾਂ ਕਾਰਨ ਵੈਰ ਨਾ ਬਣਾਓ।
ਦੁਸਟ ਜਾਂ ਬੁਰਾ ਵਿਅਕਤੀ
ਬੁਰਾ ਇਨਸਾਨ ਸੱਪ ਜਾਂ ਬਿਛੂ ਵਾਂਗ ਹੁੰਦਾ ਹੈ—ਪਤਾ ਨਹੀਂ ਕਦੋਂ ਅਤੇ ਕਿਵੇਂ ਵਾਰ ਕਰ ਦੇਵੇ। ਐਸੇ ਲੋਕਾਂ ਤੋਂ ਦੂਰੀ ਬਣਾਈ ਰੱਖਣਾ ਹੀ ਸਭ ਤੋਂ ਵਧੀਆ ਸੁਰੱਖਿਆ ਹੈ।
ਮੂਰਖ ਵਿਅਕਤੀ
ਮੂਰਖ ਵਿਅਕਤੀ ਤਰਕ ਨਹੀਂ ਸਮਝਦਾ। ਉਹ ਜਜ਼ਬਾਤ ਅਤੇ ਅਹੰਕਾਰ ਨਾਲ ਫੈਸਲੇ ਕਰਦਾ ਹੈ। ਉਸ ਨਾਲ ਵਾਦ-ਵਿਵਾਦ ਕਰਨਾ ਸਮੇਂ ਅਤੇ ਊਰਜਾ ਦੀ ਬਰਬਾਦੀ ਹੈ। ਸਮਝਦਾਰ ਵਿਅਕਤੀ ਹਮੇਸ਼ਾ ਐਸਿਆਂ ਤੋਂ ਦੂਰ ਰਹਿੰਦਾ ਹੈ।